ഖത്തറില്‍ 30 ദിവസത്തിനകം താമസരേഖ നേടണം; വീഴ്ച വന്നാല്‍ പിഴ 2.28 ലക്ഷം രൂപ വരെ
ഖത്തറില്‍ പുതിയ വിസക്കാര്‍ക്ക് താമസ രേഖ ലഭിക്കുന്നതിന് 90 ദിവസം വരെ നേരത്തേ സാവകാശം ലഭിച്ചിരുന്നു. പുതിയ വിസ ക്രമീകരണ നടപടിപ്രകാരം മെഡിക്കല്‍ പരിശോധന നാട്ടില്‍ വച്ച് തന്നെ പൂര്‍ത്തിയാക്കുന്നതിനാല്‍ ഖത്തറിലെത്തിയാല്‍ ഉടന്‍ തന്നെ റെസിഡന്‍സി പെര്‍മിറ്റ് കരസ്ഥമാക്കാം.
ദോഹ: ഖത്തറില്‍ റെസിഡന്‍സി വിസ നടപടികള്‍ പൂര്‍ത്തിയാക്കാന്‍ ഒരു മാസമാണ് സമയമെന്ന് ആഭ്യന്തര മന്ത്രാലയം. പുതിയ തൊഴില്‍ വിസയിലെത്തുന്നവര്‍ 30 ദിവസത്തിനകം നടപടിക്രമങ്ങള്‍ പൂര്‍ത്തിയാക്കണമെന്ന് സമൂഹ മാധ്യമ അക്കൗണ്ടിലൂടെ മന്ത്രാലയം വ്യക്തമാക്കി.
