ഇ-ഗേറ്റുകളുടെ തകരാര്; മസ്കറ്റ് വിമാനത്താവളത്തില് യാത്രക്കാര് കാത്തിരിക്കുന്നത് മണിക്കൂറുകള്
സർക്കാർ സേനവങ്ങൾ ജനങ്ങൾക്ക് ലഭിക്കുന്നതിന് വേണ്ടി അനാവശ്യ നടപടിക്രമങ്ങൾ കുറക്കാൻ ആണ് തീരുമാനിച്ചിരിക്കുന്നത്. സ്ഥാപനങ്ങൾ എത്രത്തോളം പുരോഗതി കൈവരിച്ചുവെന്നത് പരിശോധിക്കാനും ഇതിലൂടെ സാധിക്കും. ലോകത്തെ ഏറ്റവും മികച്ച സർക്കാറായി മാറുകയാണ് ലക്ഷ്യമെന്ന് ഷെയ്ഖ് മുഹമ്മദ് എക്സിൽ കുറിച്ചു
ദുബായ്: പൊതുജനങ്ങൾക്ക് സർക്കാർ സേവനങ്ങൾ വേഗത്തിൽ ആക്കുന്നതിന് വേണ്ടിയാണ് പുതിയ നടപടികൾ കൊണ്ടുവന്നിരിക്കുന്നത്. അനാവശ്യ നടപടിക്രമങ്ങൾ ഇല്ലാതാക്കാൻ മന്ത്രാലയങ്ങൾക്കും വകുപ്പുകൾക്കും നിർദേശങ്ങൾ നൽകി. യുഎഇ വൈസ് പ്രസിഡൻറും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാശിദ് ആൽ മക്തൂം ആണ് ഇതുമായി ബന്ധപ്പെട്ട നിർദേശം നൽകിയിരിക്കുന്നത്.
വ്യാഴാഴ്ച നടന്ന സീറോ ഗവൺമെന്റ് ബ്യൂറോക്രസി പ്രോഗ്രാമിൽ പങ്കെടുക്കാൻ വേണ്ടിയെത്തിയപ്പോൾ ആണ് ഇത്തരത്തിലൊരു നിർദേശം അദ്ദേഹം മുന്നോട്ടുവെച്ചിരിക്കുന്നത്. ഓരോ വകുപ്പുകളും വർഷത്തിൽ 2000 അനാവശ്യ നടപടിക്രമങ്ങൾ ഇല്ലാത്താക്കാൻ ശ്രമിക്കണം. ഇതുവഴി പൊതുജനങ്ങൾക്ക് സേവനങ്ങൾ ലഭ്യമാക്കാൻ വേഗത്തിൽ സാധിക്കണം. 50 ശതമാനം പ്രശ്നങ്ങൾ കുറക്കുകയാണ് ലക്ഷ്യം. മികവ് പുലർത്തുന്നവർക്ക് അംഗീകാരം നൽകാൻ തീരുമാനിച്ചിട്ടുണ്ട്. ജീവനക്കാരനോ ജീവനക്കാരുടെ സംഘത്തിനോ ആയിരിക്കും അംഗീകാരം നൽകുക. 10 ലക്ഷം ദിർഹത്തിന്റെ ആനുകൂല്യം ആയിരിക്കും ലഭിക്കുക.
![logo side](https://www.pramukhan.com/wp-content/uploads/2023/03/logo-side.jpg)