ഇറ്റാലിയൻ കരുത്തിന് മുന്നിൽ മെദ്വദേവും മുട്ടുമടക്കി; ഓസ്ട്രേലിയൻ ഓപ്പണിൽ ചാമ്പ്യനായി സിന്നർ

സെമിയിൽ നൊവാക് ജോകോവിച്ചിനെ വീഴ്ത്തിയെത്തിയ ഇറ്റാലിയൻ കരുത്ത് ജാനിക് സിന്നറിന് (Jannik Sinner) മുന്നിൽ ഒടുവിൽ ഡാനിൽ മെദ്വദേവിൻെറ ചെറുത്തുനിൽപ്പും അവസാനിച്ചു. ഓസ്ട്രേലിയൻ ഓപ്പൺ (Australian Open 2024) ഫൈനലിലെ കടുത്ത പോരാട്ടത്തിനൊടുവിലാണ് മെദ്വദേവ് കീഴടങ്ങിയത്. ആറ് സെറ്റുകളാണ് മത്സരം നീണ്ടുനിന്നത്.

ആദ്യ രണ്ട് സെറ്റുകൾ നേടിയ മെദ്വദേവ് മത്സരം വലിയ ബുദ്ധിമുട്ടില്ലാതെ സ്വന്തമാക്കുമെന്ന് പലരും പ്രതീക്ഷിച്ചത്. എന്നാൽ സിന്നർ ഗംഭീര തിരിച്ചുവരവ് തന്നെ മത്സരത്തിൽ നടത്തി. മൂന്നാം സെറ്റും നാലാം സെറ്റും താരം സ്വന്തമാക്കിയതോടെ കാറ്റ് മാറി വീശുകയാണെന്ന് വ്യക്തമായി. 3-6, 3-6, 6-4, 6-4, 6-3 എന്ന സ്കോറിനാണ് താരത്തിൻെറ വിജയം. സിന്നറിൻെറ കരിയറിലെ ആദ്യ ഗ്ലാൻസ്ലാം കിരീടമാണിത്.

സെമിഫൈനലിൽ ഇതിഹാസ താരം നൊവാക് ജോക്കോവിച്ചിനെ പരാജയപ്പെടുത്തിയാണ് ഇറ്റാലിയൻ താരം ജാനിക് സിന്ന‍ർ ഫൈനലിലെത്തിയത്. 25ാം ഗ്രാൻസ്ലാം കിരീടമെന്ന ജോക്കോവിച്ചിൻെറ സ്വപ്നമാണ് സെമിയിൽ പൊലിഞ്ഞത്. അലക്സാണ്ടർ സ്വരേവിനെ കീഴടക്കിയാണ് മെദ്വദേവ് ഫൈനലിൽ ഇടം പിടിച്ചത്.