തിളങ്ങും ചര്‍മത്തിന് ആയുര്‍വേദം നല്‍കും 4 വഴികള്‍
ചര്‍മപ്രശ്‌നങ്ങള്‍ക്ക് ആയുര്‍വേദം പറയുന്ന പല പരിഹാരവഴികളുമുണ്ട്. തികച്ചും നാച്വറലായ ഇത്തരം ചില പരിഹാരങ്ങളെക്കുറിച്ചറിയാം.
ചര്‍മപ്രശ്‌നങ്ങള്‍ ചിലപ്പോള്‍ സൗന്ദര്യപ്രശ്‌നങ്ങള്‍ മാത്രമല്ല, ആരോഗ്യ പ്രശ്‌നങ്ങളായും വരാം. ചര്‍മത്തിലുണ്ടാകുന്ന അലര്‍ജി പോലുള്ള പ്രശ്‌നങ്ങള്‍ ആരോഗ്യപ്രശ്‌നങ്ങളുടെ കൂട്ടത്തിലും പെടുത്താം. സോറിയാസിസ്, എക്‌സീമ, ചര്‍മം ചുവന്ന് തടിയ്ക്കല്‍ പോലുള്ള പല പ്രശ്‌നങ്ങളുമുണ്ടാകാം. ഇതല്ലാതെ മുഖക്കുരു, വരണ്ട ചര്‍മം, കരുവാളിപ്പ് പോലുള്ള പല സൗന്ദര്യപ്രശ്‌നങ്ങളും ചര്‍മത്തിന് ഉണ്ടാകാം. ഇത്തരം പ്രശ്‌നങ്ങള്‍ക്ക് പരിഹാരമായി ആയുര്‍വേദം പറയുന്ന ചില അടിസ്ഥാനപരമായ മരുന്നുകളുമുണ്ട്. നാച്വറല്‍ വഴികളിലൂടെ തിളങ്ങുന്ന, സൗന്ദര്യമേറുന്ന ചര്‍മത്തിന് ആയുര്‍വേദം പറയുന്ന ആ അടിസ്ഥാന വഴികളെക്കുറിച്ചറിയാം.
ഇത്തരത്തില്‍ ആയുര്‍വേദം പറയുന്ന ഒന്നാണ് നെല്ലിക്ക. ആന്റിഓക്‌സിഡന്റുകളും വൈറ്റമിന്‍ സിയുമെല്ലാം ഉള്ള നെല്ലിക്ക ഉള്ളിലേയ്ക്ക് കഴിയ്ക്കുന്നത് ആരോഗ്യത്തിനും ഒപ്പം ചര്‍മസംരക്ഷണത്തിനും ഏറെ ഗുണം നല്‍കും. ചര്‍മകോശങ്ങള്‍ക്ക് സഹായകമായ ഇത് ചര്‍മത്തിന് തിളക്കവും നിറവും നല്‍കാന്‍ സഹായിക്കുന്നു. നെല്ലിക്കയുടെ നീര് മുഖത്തും പുരട്ടാം. ചര്‍മത്തിലെ ചുളിവ് നീക്കാനും പ്രായക്കുറവ് തോന്നിപ്പിയ്ക്കാനുമെല്ലാം ഏറെ നല്ലതാണ് ഇത്.
