മുടി കറുപ്പിയ്ക്കാന് കറിവേപ്പില ഹെയര് ഡൈ
മുടി കറുപ്പിയ്ക്കാന് കൃത്രിമ ഡൈ ഉപയോഗിയ്ക്കുന്നതിനേക്കാള് ഗുണകരം നാച്വറല് വഴികള് ഉപയോഗിയ്ക്കുന്നതാണ്. കറിവേപ്പില ഉപയോഗിച്ച് ഹെയര് ഡൈ തയ്യാറാക്കാന് സാധിയ്ക്കും. ഇതെങ്ങനെ എന്നറിയാം.
നരയ്ക്കുന്ന മുടി ഇന്നത്തെ കാലത്ത് ചെറുപ്പക്കാര് നേരിടേണ്ടി വരുന്ന ഒന്നാണ്. അകാരനരയ്ക്ക് പരിഹാരം തേടി പലരും പല വഴികളും പരീക്ഷിയ്ക്കാറുമുണ്ട്. മിക്കവാറും പേര് കൃത്രിമ ഹെയര് ഡൈകളാണ് ഉപയോഗിയ്ക്കാറ്. ഇതില് കെമിക്കല് അടങ്ങിയിട്ടുള്ളതിനാല് പല ആരോഗ്യപ്രശ്നങ്ങളും ഉണ്ടാകാനും സാധ്യതയുണ്ട്. ഇതിന് പരിഹാരമായി നമുക്ക് ഉപയോഗിയ്ക്കാവുന്ന നാച്വറല് വഴികളാണ്. നാച്വറല് വഴികളിലൂടെ മുടി കറുപ്പിയ്ക്കുന്നതില് നാച്വറല് ഹെയര് ഡൈകളും പ്രധാനമാണ്. ഇത്തരത്തിലെ ഒരു ഹെയര് ഡൈ വീട്ടില് തന്നെ തയ്യാറാക്കാം. കറിവേപ്പിലയാണ് ഇതിന്റെ പ്രധാന ചേരുവ.
ശരീരത്തിന്റെ ആരോഗ്യത്തിന് മാത്രമല്ല, മുടിയുടെ ആരോഗ്യത്തിനും കറിവേപ്പില മികച്ചതാണ്. ഇതില് ധാരാളം ആന്റിഓക്സിഡന്റുകളുണ്ട്. വൈറ്റമിന് സി, വൈറ്റമിന് ഇ, പ്രോട്ടീന്, ബീറ്റാകരോട്ടിന്, അയേണ് എന്നിവയെല്ലാം കറിവേപ്പിലയില് അടങ്ങിയിരിയ്ക്കുന്നു. ഇത് ആന്റിമൈക്രോബിയല് കൂടിയാണ്. അതായത് ബാക്ടീരിയല്, ഫംഗല് പ്രശ്നങ്ങള്ക്കുള്ള നല്ലൊരു പരിഹാരം കൂടിയാണ് ഇത്. ഇതിനാല് ശിരോചര്മത്തിലും മുടിയിലുമുണ്ടാകുന്ന പല പ്രശ്നങ്ങളും ഇത് പരിഹാരമാണ്. ഓരോ മുടിയുടെ കട്ടി കൂട്ടാനും പൊഴിഞ്ഞ മുടി തിരികെ വരാനും ഇത് നല്ലതാണ്. ടെംപററിയായി പൊഴിഞ്ഞുപോയ മുടി തിരികെ കൊണ്ടുവരാന് എന്നു പ്രത്യേകിച്ചും പറയണം. ഇതല്ലാതെ ദീര്ഘകാലമായി മുടി പോയി കഷണ്ടിയായവര്ക്ക് ഇത് ഗുണം നല്കുമെന്ന് പറയാനാകില്ല. നല്ല കൊളസ്ട്രോള് കൂട്ടാനും കുടല് ആരോഗ്യത്തിനും ഇതേറെ നല്ലതാണ്.