എനിക്കുള്ളതെല്ലാം എന്റേത് തന്നെയാണ്, ശരീരത്തെ കളിയാക്കുന്നവരോട് ഹണി റോസ്, വലിയൊരു പോരാട്ടം നടത്തിയാണ് ഇവിടെ വരെ വന്നു നില്ക്കുന്നത്!
ഹണി റോസിന്റെ ശരീരത്തെ കുറിച്ച് മോശം കമന്റ് പറയാത്തവരില്ല. പക്ഷെ അതിനെ ഞാന് മൈന്റ് ചെയ്യുന്നില്ല എന്നാണ് നടി പറയുന്നത്. എനിക്കുള്ളതെല്ലാം എന്റേതാണ്, അതില് ഞാന് അഭിമാനിക്കുകയും ചെയ്യുന്നു. ഒരു സിനിമ ഹിറ്റായിക്കഴിഞ്ഞാല് മാറുന്ന പ്രശ്നം മാത്രമേയുള്ളൂ എന്നാണ് ഹണി പറയുന്നത്
ശരീരത്തിന്റെ പേരില് ഒരുപാട് വിമര്ശനങ്ങള് നേരിടുന്ന നടിയാണ് ഹണി റോസ്. ഉദ്ഘാടനങ്ങളില് സജീവമായി എത്തുന്ന ഹണി റോസിനെ ശരീര ഘടനയുടെ പേരില് വിമര്ശിക്കാത്തവരില്ല. അത്തരക്കാര്ക്ക് ഇതാ ഹണിയുടെ മറുപടി. മാതൃഭൂമി ഇന്റര്നാഷണല് ഫെസ്റ്റിവല് ഓഫ് ലെറ്റേഴ്സ് പരിപാടിയില് സംസാരിക്കുകയായിരുന്നു നടി
ഒരാളുടെ ശരീരത്തെ കുറിച്ച് മോശമായി സംസാരിക്കുക, ബോഡി ഷെയിമിങ് ചെയ്യുക എന്ന് പറഞ്ഞാല് ഏറ്റവും മോശമായ കാര്യമാണ് അത്. എന്റെ കാര്യം മാത്രമല്ല. വളരെ സ്വാഭാവികമായ ഒരു കാര്യമായിട്ടാണ് പലരും ബോഡിഷെയിമിങിനെ കാണുന്നത്. നിറത്തിന്റെ പേരിലായാലും ശരീര അവയവങ്ങളുടെ പേരിലായാലും മുഖത്തിന്റെ ഷെയിപ്പിന്റെ പേരിലായാലും എന്നിങ്ങനെ ഒന്നല്ലെങ്കില് മറ്റൊരു രീതിയില് ഇവിടെ ബോഡി ഷെയിമിങ് നടന്നുകൊണ്ടിരിയ്ക്കുന്നു.