രഞ്ജിത്ത് ശ്രീനിവാസ് കൊലപാതകം: വിധി 30ന്
ബിജെപി നേതാവായിരുന്ന രഞ്ജിത്ത് ശ്രീനിവാസ് കൊലക്കേസിൽ വിധി 30ന്. 15 പ്രതികളെ കുറ്റക്കാരെന്ന് കണ്ടെത്തിയ ശേഷം അഡീഷനൽ ജില്ലാ സെഷൻസ് കോടതി ജഡ്ജി (ഒന്ന്) വി.ജി.ശ്രീദേവി 14 പ്രതികളെ നേരിട്ട് കേട്ടിരുന്നു.
ബിജെപി നേതാവ് രഞ്ജിത്ത് ശ്രീനിവാസ് വധക്കേസിൽ വിധി 30ന്. 15 പ്രതികളെ കുറ്റക്കാരെന്ന് കണ്ടെത്തിയ ശേഷം അഡീഷനൽ ജില്ലാ സെഷൻസ് കോടതി ജഡ്ജി (ഒന്ന്) വി.ജി.ശ്രീദേവി 14 പ്രതികളെ നേരിട്ട് കേട്ടിരുന്നു. ഇതിനു ശേഷമാണ് വിധി പറയൽ 30ലേക്ക് മാറ്റിയത്. പ്രതികളിലൊരാളായ മുല്ലയ്ക്കൽ വട്ടക്കാട്ടുശേരി നവാസ് രോഗബാധിതനായി തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായതിനാൽ ഇയാൾക്ക് കോടതിയിൽ ഹാജരാകാൻ കഴിഞ്ഞില്ല.
പ്രതികളുടെ മാനസികാരോഗ്യം, സാമൂഹികാവസ്ഥ തുടങ്ങിയ വിവരങ്ങൾ സംസ്ഥാന സർക്കാരും ജില്ലാ പ്രൊബേഷൻ ഓഫീസറും, സൈക്യാട്രി വിഭാഗവും കോടതിയെ ധരിപ്പിച്ചു. ജയിലിലെ പെരുമാറ്റം സംബന്ധിച്ച് മാവേലിക്കര സ്പെഷൽ സബ് ജയിൽ സൂപ്രണ്ട് ഇതിനകം കോടതിക്ക് റിപ്പോർട്ടായി നൽകിയിട്ടുണ്ട്.