Shahana Death: ഷഹാന മരിച്ചിട്ട് ഒരു മാസം; ഭര്ത്താവുള്പ്പെടെ ഒളിവിലായിരുന്ന മൂന്നുപേര് പിടിയില്
ഷഹാനയുടെ കുടുംബത്തിന്റെ സാമ്പത്തിക സ്ഥിതി പോരെന്ന് പറഞ്ഞ് ഭര്ത്താവായ നൗഫലിന്റെ ഉമ്മ അടക്കമുള്ള ബന്ധുക്കള് നിരന്തരം പരിഹസിക്കുമായിരുന്നു, നൗഫലിന്റെ ചികിത്സക്കായി പോയ സമയത്ത് ഷഹാനയെ ആശുപത്രിയില് വെച്ച് നൗഫലിന്റെ ഉമ്മ മര്ദിച്ചിട്ടുണ്ട്- ഷഹാനയുടെ കുടുംബം ആരോപിക്കുന്നു.
തിരുവനന്തപുരം: തിരുവല്ലം പാച്ചല്ലൂര് വണ്ടിത്തടത്ത് ഷഹാന ആത്മഹത്യ ചെയ്ത സംഭവത്തില് പ്രതികളായ മൂന്നുപേര് പിടിയില്. ഷഹാനയുടെ ഭര്ത്താവ് നൗഫല്, നൗഫലിന്റെ അച്ഛന് സജിം, നൗഫലിന്റെ ഉമ്മ സുനിത എന്നിവരെയാണ് പിടികൂടിയത്. പ്രതികള് ഒരു മാസമായി ഒളിവിലായിരുന്നു. തിരുവനന്തപുരം കാട്ടാക്കടയില്നിന്നാണ് ഇവരെ പിടികൂടിയതെന്നാണ് വിവരം.
ഭര്തൃവീട്ടിലെ പീഡനത്തെ തുടര്ന്നാണ് വണ്ടിത്തടം ക്രൈസ്റ്റ് നഗര് റോഡില് വാറുവിള പുത്തന്വീട് ഷഹാന മന്സിലില് ഷഹാന ഷാജി (23) കഴിഞ്ഞ മാസം ആത്മഹത്യ ചെയ്തത്. ഭര്തൃമാതാവില്നിന്ന് ഷഹാനയ്ക്ക് നിരന്തരമായ മാനസികപീഡനമേല്ക്കേണ്ടി വന്നിരുന്നതായാണ് ബന്ധുക്കളുടെ ആരോപണം.