ബ്രേക്കിംങ് സംവിധാനത്തിലെ പിഴവ്; ബിഎംഡബ്ല്യു തിരിച്ചുവിളിച്ചത് 79,000 കാറുകൾ, ഇന്ത്യയിലെ മോഡലുകളെ ബാധിക്കുമോ?

ബ്രേക്കിംങ് സംവിധാനത്തിലെ പിഴവ് മൂലം ബിഎംഡബ്ല്യു യുഎസിൽ അടുത്തിടെ 79,000-ൽ അധികം വാഹനങ്ങൾ തിരിച്ചു വിളിച്ചിരുന്നു. ബിഎംഡബ്ല്യു എക്സ്1, എക്സ്5, എക്സ്6, എക്സ്7, എക്സ്എം, 530ഐ, 740ഐ, 760ഐ എന്നീ മോഡലുകളാണ് തിരിച്ചുവിളിച്ചത്. റോൾസ് റോയ്‌സും സ്‌പെക്‌ട്രെ മോഡലുകൾ തിരിച്ചുവിളിച്ചിരുന്നു.
ബ്രേക്കിംഗ് സംവിധാനത്തിലെ പിഴവിനെ തുട‍ർന്നാണ് നാഷണൽ ഹൈവേ ട്രാഫിക് സേഫ്റ്റി അഡ്‌മിനിസ്‌ട്രേഷൻ ബിഎംഡബ്ല്യുവിൻെറ 80,000 മോഡലുകൾ തിരിച്ചുവിളിച്ചത്. .
സ്പെസിഫിക്കേഷനുകൾക്കനുസരിച്ച് ബ്രേക്കിങ് സംവിധാനം പ്രവർത്തിക്കുന്നില്ല എന്നതാണ് പരാതി. ഉയർന്ന അപകടസാധ്യതയുള്ളതിനാലാണ് ബിഎംഡബ്ല്യു ഈ മോഡലുകൾ തിരിച്ചുവിളിച്ചത്.

കാറിൻ്റെ ബ്രേക്കിംഗ് സിസ്റ്റത്തിൽ പ്രശ്‌നമുണ്ടെങ്കിൽ ഇൻസ്ട്രുമെൻ്റ് ക്ലസ്റ്ററിൽ ഉപഭോക്താക്കൾക്ക് മുന്നറിയിപ്പ് ലഭിക്കും. അപായ സൂചനാ ലൈറ്റോ സന്ദേശമോ പോപ്പ് അപ്പായി ലഭിക്കുമെന്ന് ബിഎംഡബ്ല്യു ഉപഭോക്താക്കളെ അറിയിച്ചിട്ടുണ്ട്. അതേസമയം എമർജൻസി ബ്രേക്കുകൾക്ക് തകരാറില്ലെന്ന് കമ്പനി ഉപഭോക്കാക്കളെ അറിയിച്ചിട്ടുണ്ട്. എന്തെങ്കിലും പ്രശ്നമുണ്ടെങ്കിൽ എമർജൻസി ബ്രേക്കുകൾ ഓട്ടോമാറ്റിക്കായി സജീവമായിരിക്കും