മാർച്ച് അവസാനിക്കുന്നതിന് മുൻപ് ഇരട്ടയക്ക ലാഭം; ഇതാ 5 ബുള്ളിഷ് ഓഹരികൾ
ഫിനാൻസ് സെക്ടറിൽ നിന്നുള്ള മൂന്ന് ഓഹരികളെയാണ് നിക്ഷേപത്തിനായി ആഭ്യന്തര ബ്രോക്കറേജ് സ്ഥാപനമായ ആനന്ദ് രാത്തി ഷെയേഴ്സ് ഇപ്പോൾ നിർദേശിച്ചിരിക്കുന്നത്. അടുത്ത രണ്ടോ മൂന്നോ ആഴ്ച കാലയളവിലേക്കായി ഈ ഓഹരികൾ വാങ്ങാം. വിപണിയുടെ റെക്കോഡ് കുതിപ്പും ഓഹരികളിലെ ടെക്നിക്കൽ അനാലിസിസ് അനുകൂലമായതും തുണയേകും എന്നാണ് പ്രതീക്ഷ.
കഴിഞ്ഞയാഴ്ചയും പ്രധാന ഓഹരി സൂചികയായ നിഫ്റ്റി, പുതിയ സർവകാല റെക്കോഡ് നിലവാരം തിരുത്തിക്കുറിച്ചു മുന്നേറ്റം തുടരുകയാണ്. നടപ്പ് സാമ്പത്തിക വർഷത്തിന്റെ മൂന്നാം പാദത്തിൽ വിപണി പൊതുവേ പ്രതീക്ഷിച്ചതിലും ഉയർന്ന നിലവാരത്തിൽ രാജ്യത്തിന്റെ ജിഡിപി വളർച്ചാ നിരക്കുകൾ രേഖപ്പെടുത്തിയതാണ് കുതിപ്പിന് ആധാരം. ഇതിനിടെ രാജ്യത്തിന്റെ സാമ്പത്തിക വളർച്ചയിൽ നേട്ടം കൊയ്യുന്ന മേഖലയിലെ ഓഹരികളിൽ ഹ്രസ്വകാല നിക്ഷേപത്തിന് നിർദേശിച്ച് പ്രമുഖ ബ്രോക്കറേജ് സ്ഥാപനമായ ആനന്ദ് രാത്തി ഷെയേഴ്സ് രംഗത്തെത്തി.