പെട്ടെന്ന് ആധാർ അപ്ഡേറ്റ് ചെയ്യാം; പ്രത്യേക നിക്ഷേപ പദ്ധതികളുടെ കാലാവധി തീരുന്നു

ആധാർ കാർഡ് അപ്ഡേഷൻ, ഫാസ്ടാഗിലെ സൗജന്യ കെവൈസി അപ്ഡേഷൻ തുടങ്ങി മാർച്ചിൽ ചെയ്തു തീർക്കേണ്ട ചില പ്രധാന ഇടപാടുകളുണ്ട്. നികുതിദായകർക്കും മാ‍ർച്ച് 31 പ്രധാനമാണ് . എത്രയും പെട്ടെന്ന് ചെയ്ത് തീ‍ർക്കേണ്ട ധനകാര്യ ഇടപാടുകൾ അറിഞ്ഞിരിക്കാം.

ആധാർ കാർഡിലെ തെറ്റുതിരുത്താനും വിവരങ്ങൾ അപ്ഡേറ്റു ചെയ്യാനുമൊക്കെ സൗജന്യമായി നൽകിയിരുന്ന സേവനങ്ങൾ അവസാനിക്കുന്നു. ഇനി ഇടപാടുകൾക്ക് ഫീസ് ഈടാക്കും. മാ‍ർച്ച് 14 വരെ മാത്രമാണ് ഓൺലൈനിലൂടെ സൗജന്യമായി വിവരങ്ങൾ അപ്ഡേറ്റ് ചെയ്യാനാകുക. കാലാവധി അവസാനിച്ചാൽ 100 രൂപയാണ് അപ്ഡേഷന് ഫീസ് നൽകേണ്ടത്. മൈ ആധാർ പോർട്ടലിലൂടെ ഇപ്പോൾ ഓൺലൈനിലൂടെ തന്നെ തെറ്റുകൾ തിരുത്താം. https://myaadhaar.uidai.gov.in/ എന്ന പോർട്ടലിൽ ഡോക്യുമെൻ്റുകൾ അപ്‌ഡേറ്റ് ചെയ്താൽ മതിയാകും.