എസ്ബിഐ ഹോം ലോൺ; നല്ലൊരു തുക ഇപ്പോൾ പലിശ ഇളവ് നേടാം, പ്രത്യേക ക്യാംപെയ്ൻ ഏതാനും ദിവസങ്ങൾ കൂടെ മാത്രം

ഹോം ലോൺ എടുക്കുന്നവ‍ർക്ക് പലിശ ഇളവിന് സഹായകരമായ പ്രത്യേക ക്യാംപെയ്നുമായി എസ്ബിഐ.
2024 മാർച്ച് 31 വരെയുള്ള കാംപെയ്ന് കീഴിൽ മറ്റ് പലിശ ഇളവുകൾ ഉള്ളവ‍ർക്കും അധിക ഇളവ് നേടാനാകും. ഫ്ലെക്സിപേ, എൻആർഐ, , പ്രിവിലേജ് ലോണുകൾക്കെല്ലാം അധിക കിഴിവ് ബാധകമാകും. 2023 ഡിസംബർ 31 വരെ പ്രഖ്യാപിച്ച ക്യാംപെയ്ൻ പിന്നീട് എസ്ബിഐ നീട്ടുകയായിരുന്നു. സിബിൽ സ്‌കോർ അനുസരിച്ചായിരിക്കും ഭവന വായ്പയിലെ ഇളവുകൾ.

മികച്ച സ്കോർ നിലനിർത്തുന്നവർക്ക്, 750നും -800നും ഇടയിൽ സ്കോർ ഉള്ളവർക്ക് ഓഫർ കാലയളവിൽ 8.60 ശതമാനം പലിശ ഇളവ് ലഭിക്കും. 55 ബേസിസ് പോയിൻറുകളുടെ ഇളവാണ് ലഭിക്കുക. നിലവിൽ, ഇളവുകളില്ലാതെയുള്ള നിരക്ക് 9.15 ശതമാനമാണ്. 700 -749 നും ഇടയിൽ സിബിൽ സ്‌കോറുള്ളവർക്ക് 65 ബേസിസ് പോയിൻറ് ഇളവ് ലഭിക്കും. 8.70 ശതമാനം നിരക്കിൽ ലോൺ ലഭിക്കും. നിലവിലെ പലിശ നിരക്ക് 9.35 ശതമാനം ആണ്.