ഉടനെ വാങ്ങാം; ഒറ്റയടിക്ക് ലാഭം കിട്ടുമെന്ന് പ്രതീക്ഷ; 400 രൂപയിൽ താഴെയുള്ള 3 ഓഹരികൾ
മൂന്ന് ഓഹരികളെയാണ് പ്രഭുദാസ് ലീലാധർ നിക്ഷേപത്തിനായി ശുപാർശ ചെയ്തിരിക്കുന്നത്. ഇവയെല്ലാം 400 രൂപയിൽ താഴെയുള്ള ഓഹരികളാകുന്നു. ഇന്നലത്തെ വ്യാപാരത്തിനൊടുവിൽ മൂന്ന് ഓഹരികളും നേട്ടത്തിൽ ക്ലോസ് ചെയ്തു. ഇവയുടെ ടെക്നിക്കൽ അനാലിസിസ് അനുകൂലം. മൂന്ന് ഓഹരികളുടെയും ലക്ഷ്യവില, സ്റ്റോപ്പ് ലോസ് എന്നിവ നോക്കാം.
ഏറെ ചാഞ്ചാട്ടങ്ങൾക്കൊടുവിൽ നേട്ടത്തോടെയായിരുന്നു ഇന്നലെ ഇന്ത്യൻ ഓഹരി വിപണിയിലെ വ്യാപാരം അവസാനിപ്പിച്ചത്. എന്നിരുന്നാലും ഓഹരികൾ കേന്ദ്രീകരിച്ചുള്ള നീക്കങ്ങളും വിപണിയിൽ സജീവമായിരുന്നു. മികച്ച രീതിയിൽ നേട്ടം കരസ്ഥമാക്കി ഇന്നലെ ക്ലോസ് ചെയ്ത ഓഹരികളും നിരവധിയാണ്. ഇവയിൽ നിന്നും വെള്ളിയാഴ്ചയും മുന്നേറ്റം തുടരുമെന്ന് പ്രതീക്ഷിക്കുന്ന മൂന്ന് ഓഹരികളിൽ ഹ്രസ്വകാല നിക്ഷേപം നിർദേശിച്ച് ബ്രോക്കറേജ് സ്ഥാപനമായ പ്രഭുദാസ് ലീലാധർ രംഗത്തെത്തി.
