ഏറ്റവും കുറഞ്ഞ പലിശ നിരക്കിലുള്ള കാർ ലോൺ ഏത് ബാങ്കിൽ കിട്ടും?

വാഹനം സ്വന്തമാക്കാനുള്ള ആഗ്രഹം ഇനി മാറ്റിവെക്കേണ്ട. മിക്ക വാണിജ്യ ബാങ്കുകളും അടുത്തിടെ വാഹന വായ്പകളുടെ പലിശ നിരക്ക് പുതുക്കിയിട്ടുണ്ട്. ചില ബാങ്കുകളിലെ വാഹന വായ്പ പലിശ നിരക്കിൽ താരതമ്യേന കുറവുണ്ടായിട്ടുണ്ട്. ഈയൊരു പശ്ചാത്തലത്തിൽ നിലവിൽ ഏറ്റവും താഴ്ന്ന നിരക്കിൽ കാർ ലോൺ ലഭിക്കുന്ന രാജ്യത്തെ ബാങ്കിങ് സ്ഥാപനങ്ങൾ ഏതൊക്കെയൊന്ന് നോക്കാം.

പൊതുമേഖല ബാങ്കിങ് സ്ഥാപനമായ ബാങ്ക് ഓഫ് ബറോഡ, അടുത്തിടെ വാഹന വായ്പ നിരക്ക് പുതുക്കി നിശ്ചയിച്ചിരുന്നു. ഇതോടെ ബാങ്ക് ഓഫ് ബറോഡയുടെ വാഹന വായ്പ വാർഷികമായി 8.75 ശതമാനം പലിശ നിരക്ക് (ഫ്ലോട്ടിങ് പലിശ രീതിയിൽ) മുതൽ ലഭിക്കുന്നതാണ്. വായ്പ എടുക്കുന്നവരുടെ ക്രെഡിറ്റ് സ്കോറിനെ അടിസ്ഥാനപ്പെടുത്തിയാകും അന്തിമ നിരക്ക് നിശ്ചയിക്കപ്പെടുക.