ഇലക്ട്രിക് ബസിൽ പാളിയെങ്കിലും ഡ്രൈവിങ് ടെസ്റ്റിൽ പിടിച്ചുകയറി ഗണേഷ് കുമാർ; മന്ത്രിയായ ശേഷമുള്ള സുപ്രധാന മാറ്റം
ഗണേഷ് കുമാർ ഗതാഗത മന്ത്രിയായി അധികാരത്തിലേറിയതിനു പിന്നാലെ നടന്ന സുപ്രധാന മാറ്റമാണ് ഡ്രൈവിങ് ടെസ്റ്റ് പരിഷ്കരിച്ചത്. വ്യാഴാഴ്ച ട്രാൻസ്പോർട്ട് കമ്മീഷണർ ആണ് ഇതുസംബന്ധിച്ച സർക്കുലർ പുറപ്പെടുവിച്ചത്. ഡ്രൈവിങ് ടെസ്റ്റിൽ കൂടുതൽ പരിശോധന കൂടി ഉൾപ്പെടുത്തിയാണ് പരിഷ്കാരം നടത്തിയത്. പുതിയ മാറ്റങ്ങൾ മെയ് ഒന്ന് മുതൽ പ്രാബല്യത്തിൽ വരും.
തിരുവനന്തപുരം: സംസ്ഥാനത്ത് ഡ്രൈവിങ് ടെസ്റ്റ് അടിമുടി മാറുന്നതോടെ നടപ്പിലാകുന്നത് ഗതാഗത മന്ത്രിയായി ഗണേഷ് കുമാർ അധികാരത്തിലേറിയതിനു പിന്നാല നടത്തിയ പ്രഖ്യാപനം. നേരത്തെ, ഇലക്ട്രിക് ബസുമായി ബന്ധപ്പെട്ടു നടത്തിയ പ്രതികരണത്തിൽനിന്ന് ഗണേഷ് കുമാറിന് പിൻവലിയേണ്ടിവന്നെങ്കിലും ഡ്രൈവിങ് ടെസ്റ്റിൽ നടപ്പിലാക്കാൻ തീരുമാനിച്ച മാറ്റം അദ്ദേഹത്തിന് യാഥാർഥ്യമാക്കാനായി.