വീട്ടു ചെലവിനായി ക്രെഡിറ്റ് കാർഡ് ഉപയോഗിച്ചാൽ ഏഴ് ഗുണങ്ങളുണ്ട്; അറിയാമോ?

ഉത്തരവാദിത്വത്തോടെ കൈകാര്യം ചെയ്യുന്നവർക്ക് ഏറ്റവും ഉപകാരപ്രദമായ സാമ്പത്തിക ഉപാധികളിലൊന്നാണ് ക്രെഡിറ്റ് കാർഡ്. ഒഴിവാക്കാൻ കാഴിയാത്തതും ആവർത്തിച്ചു നേരിടേണ്ടതുമായ നിത്യനിദാന ചെലവുകൾക്കായും ക്രെഡിറ്റ് കാർഡ് ഫലപ്രദമായി വിനിയോഗിക്കാൻ സാധിക്കും. ഇതിലൂടെ ഏഴ് തരത്തിലുള്ള നേട്ടങ്ങൾ സ്വന്തമാക്കാനും സാമ്പത്തികമായി മെച്ചമുണ്ടാക്കാമെന്നതും അനുകൂല ഘടകങ്ങളാണ്. വീട്ടു ചെലവുകൾ നേരിടുന്നതിനായി ക്രെഡിറ്റ് കാർ‍‍ഡ് ഉപയോഗിച്ചാലുള്ള നേട്ടങ്ങൾ എന്തൊക്കെയെന്ന് നോക്കാം.

ക്യാഷ്ബാക്ക് റിവാർഡുകൾ

നിത്യനിദാന ചെലവുകൾ നേരിടുന്നതിനായി ക്രെഡിറ്റ് കാർഡ് ഉപയോഗിക്കുന്നതിലൂടെ കരഗതമാകുന്ന ഏറ്റവും വലിയ നേട്ടം ക്യാഷ്ബാക്ക് ആനുകൂല്യങ്ങളാണ്. പലചരക്ക്, ഇന്ധനം, സേവനങ്ങൾക്കുള്ള ബിൽ എന്നിങ്ങനെയുള്ള മിക്ക ഒഴിവാക്കാനാകാത്ത ചെലവുകൾക്കായും വേണ്ടി ഉപയോഗിക്കുന്നതിൽ ഭൂരിഭാഗം ക്രെഡിറ്റ് കാർഡ് കമ്പനികളും ഏതെങ്കിലുമൊക്കെ വിധത്തിലുള്ള ക്യാഷ്ബാക്ക് ഓഫർ നൽകുന്നുണ്ട്.

റിവാർഡ് പോയിൻ്റ്