അർമാഡ: മാസ് മാർക്കറ്റിനായി ഥാർ ഒരുങ്ങുന്നു; പുതിയ ഫീച്ചറുകൾ പുറത്ത്

അഞ്ച് ഡോറുള്ള ഥാറിന്റെ വരവ് ഏറെനാളായി ചർച്ചാവിഷയമാണ്. നിലവിലെ നിലവിലെ 3 ഡോർ എസ്‌യുവി ഒരു ‘സെക്കൻഡ് കാർ’ പ്രതിച്ഛായയോടെയാണ് മാർക്കറ്റിൽ നിൽക്കുന്നത്. കുടുംബാവശ്യങ്ങൾക്ക് സെഡാൻ കാറുകളോ ഏതെങ്കിലും ക്രോസ്സോവർ എസ്‌യുവികളോ വാങ്ങിയിടും, രണ്ടോ നാലോ പേരുടെ പ്ലഷർ ട്രിപ്പുകൾക്കും മറ്റും ഥാറിനെ ഉപയോഗിക്കും. ഥാറിന്റെ മാർക്കറ്റിലെ ഈ പ്രതിച്ഛായയെ തകർക്കാതെ പുതിയൊരു ബ്രാൻഡിനെ അവതരിപ്പിക്കുകയാണ് മഹീന്ദ്ര ചെയ്യുന്നത്. രണ്ട് ഡോറുകൾ എക്സ്ട്രാ ചേരുന്നതോടെ മാസ് മാര്‍ക്കറ്റിലേക്ക് ഥാർ അർമാഡയ്ക്ക് സുഗമമായി കടക്കാനാകും. അഥവാ ഉപയോക്താക്കളുടെ ഫസ്റ്റ് കാറായി അർമാഡ മാറും.